-=Joross Point of View=-
Mabigat ang mga paa ko habang naglalakad palabas ng kuwarto, ilang araw din kaming nag stay sa kuwartong iyon. Naging saksi ito sa mahahalagang araw sa buhay ko, dahil dito ko ay nalamang mahalaga din ako kay Francis na gusto din ako ni Francis, at ngayon kang aalis na kami ay mabigat sa dibdib ang pag-alis naming iyon.
Gaya nang naunang plano ay ngayong gabi ang flight namin pabalik ng Pilipinas, sa totoo lang ay ayoko nang matapos ang pagsasama naming ito, kung puwede nga lang kaming mag stay pareho nito sa South Korea ay ginawa ko, kayang kaya ko naman kung saka sakali, pero alam kong hindi iyon puwede.
Kailangan na nitong harapin ang problema nito sa pamilya. Sa totoo lang ay hindi ko mapigilan matakot sa mangyayari lalo na't hindi naman namin napag-usapan k
