-=Joross Point of View=-
Para akong napako sa kinatatayuan ko habang nakatingin pa din sa hindi makapaniwalang reaksyon sa mukha ni Ate Jaime.
Wala akong ibang puwedeng sisihin kung hindi ang sarili ko, masyado ko kasing namiss si Francis, na kahit nasa tapat lang ako ng bahay ay hindi ko napigilan na halikan ito.
Nanatili naman nakatingin sa akin si Ate Jaime, habang hinihintay ako nitong magpaliwanag, ngunit ano pa ba ang dapat kong ipaliwanag dito gayong sa nakasaksihan nito ay nalaman na nito ang totoo.
Isang malalim na paghinga ang pinakawalan ko ng kumawala ako sa pagkakahawak ni Francis sa kamay ko, hindi ko nga namalayan na hawak hawak pa din nito ang kamay ko.
"Ate Jaime, si Francis... boyfriend ko." lakas loob kong pagpapakilala dito.
Makikita ang pagkalito sa mga mata ni A
