Chapter 38
Zhiya Sabriya Smith
MAAGA pa lang, nagising na si Seve. Mahigpit ang yakap niya sa akin habang sinusuklay ko ang buhok niya.
"Babalik ka agad, Mama?" tanong niya, pupungas-pungas pa.
Tumango ako at hinaplos ang pisngi niya. "Promise. Hindi ako magtatagal."
Hinabilin ko siya kay Mary Jane na agad namang tumango. "Don't worry, ako bahala sa kanya."
Pilit akong ngumiti bago sumakay sa sasakyan. Ihahatid ako ni Jojo sa company ngayon, tahimik lang siya habang binabaybay namin ang kalsada. Ilang saglit lang, narating na namin ang Hayes Automotive Company, dito lang din sa Makati.
Pagkababa ko ng sasakyan, pakiramdam ko parang tumapak ako sa ibang mundo. Mamahaling sasakyan sa paligid, malalaking glass walls, at mga taong naka corporate attire. Ako lang ang naka simpleng damit.
