Chapter 89
Third Person POV
NAKAUPO sa ibabaw ng stretcher si Amari, bahagyang nakayuko habang marahang ginagamot ng nurse ang sugat sa kaliwang siko niya. Iyon talaga ang pinaka–napuruhan sa pagkabagsak niya sa kalsada matapos masagip ang mga bata. Hindi siya umiimik habang pinupunasan ng alcohol ang balat niya—hindi dahil sa sakit, kundi dahil sa bigat ng iniisip.
Bumabalik–balik sa isip niya ang mukha ng batang babae—ang iyak nito, ang pagkakapulupot ng mga braso sa leeg niya, at ang tiwalang saglit na ibinigay nito sa kanya.
Hindi niya alam kung bakit gano'n ang pakiramdam bukod sa sakit na naramdaman niya kanina na makita na may ibang lalaki sa buhay ni Sab. Para bang may kakaiba. Parang... konektado sila ng batang babae.
"What if...?" Hindi niya tinuloy ang tanong sa sarili. Aga
