Chapter 34
Zhiya Sabriya Smith
MAKALIPAS lang ang ilang minuto, unti–unting bumaba ang chopper sa isang paliparan dito sa Pampanga, dito naghintay sa kanya ang Jet. Pagkabukas ng pinto, agad bumaba si Amari—walang lingon–lingon. Diretso lang siya, parang wala siyang kasabay sa biyahe. Pero bago pa siya tuluyang makalayo, nakita ko kung paanong bahagyang sumulyap ang tingin niya kay Jojo.
Nagkatinginan sila, parang nag–uusap sa pagitan ng mga mata. Tumango si Jojo. At si Amari? Walang emosyon na naglaro sa mukha. Basta lang tumalikod at naglakad papunta sa nakaabang na jet sa di kalayuan.
Sinundan ko siya ng tanaw. Kahit isang simpleng paglingon man lang sana. Kahit isang salita. Kahit "paalam."
Pero wala. At habang nakaupo ako roon, hinayaan kong sumiksik sa dibdib ko ang bigat. I cl
