"Paano 'to? Dalawa 'yung panunuorin natin?" Nakatingin kaming pareho sa nilahad naming apat na movie ticket. "Ayoko niyan. Horror pala 'yung sa inyo."
"Ayoko rin naman niyan. Cartoon, tsk. Bata ba kayo?"
"Edi 'wag ka ng sumama. Maghiwalay na tayo dito. Mage-eleven na, oh. Tapos 'yung sa inyo, three pa." Pakita ko sa kanya sa wrist watch ko.
Hindi siya sumagot. Basta nginitian ko siya noong kumaway na ko papuntang sinehan. Pumila ulit ako sa snack bar at bumili ng popcorn.
"Isang large bucket ng popcorn."
"Ano pong flavor?"
"Cheese." Napatingin ako kay Raf na sumagot sa lalaki. "Saka dalawang coke." Naglabas siya ng pera at binayaran 'yon.
Gulat ko siyang pinagmamasdan kasi sabi niya ayaw niya ng cartoon pero heto naman siya at akay-akay ako papasok sa loob. Dito kami sa pinaka-ita
