"Oh, God! Loribelle! Kanina ka pa namin hinahanap!" Agarang tumayo si Mommy kasabay ng paglapit sa akin ni Raf.
"Saan ka galing? Basang-basa ka ng ulan."
"Raf, paano niyo 'yon nagawa?" tanong ko sabay hawi sa tuwalya niyang nilalagay sa akin. Hindi ko sila kayang tingnan nang matagal. Puno ako ng hinanakit na kahit anong iyak ko kanina pa ay hindi kayang gumaan ng dibdib ko.
"Anong sinasabi mo? Magkakasakit ka niyan." Pinilit niya pa ring ilagay sa akin ang tuwalya. "Kanina ka pa namin hinahanap. Bakit hindi mo sinasagot lahat ng tawag namin?!"
Hinang-hina na ko. Kaya naman hindi ko na muna pinansin si Raf at hinarap ko agad sila mommy.
"Mommy, daddy.." Parehas ko silang tinignan.
"May masakit ba ulit sa'yo?" Lumapit sa akin si Mommy at alalang hinaplos ang mga braso ko. Galing siya
