Naalimpungatan ako na may humahaplos sa buhok ko. Dumilat ako at bumungad sa paningin ko si Raf na seryoso ang mukha at nakahawak sa ulo ko.
"Magaling ka na?"
"Siguro."
"Anong siguro?" angal ko sabay salat sa nuo niya. "Bumaba na. Wala ka ng lagnat."
"Masakit pa rin 'yung ulo ko." Bumaling siya ng higa padiretso.
"Masakit na lang, pwede na 'yan."
"Pinapaalis mo na ba ko?" Nginitian niya ko at niyakap.
"Oo?" patanong kong sagot. "Nahihirapan ng gumawa ng reason si Tita Han kay Pia. Araw-araw ka niyang hinahanap kasi hindi ka sumasagot sa tawag."
"Hmmm, pero sobrang sakit pa ng ulo ko." Sumiksik siya sa dibdib ko at muling pumikit.
"Edi magpaalaga ka sa kanya. Future wife mo naman 'yon. Nahihiya ka pa ba sa kanya?"
Hindi na siya sumagot. Limang araw na kong absent sa trabaho. N
