"Good morning, baby."
Agad akong napamulat nang nakangiti. Hindi ko siya natatandaan pero napapasaya niya 'tong puso ko. Siguro totoo nga 'yung mga nase-search ko sa internet. Utak lang ang nakakalimot hindi ang puso.
Hinalikan niya ko sa nuo at binuhat na para kaming bagong kasal papunta sa upuan.
"Nakapagluto na ko. Itlog, spam, ham, hotdog at 'yung request mong beef steak."
"Nakakahiya. Dapat ako ang gumagawa niyan. Napapanuod ko sa TV, babae talaga ang umaasikaso sa asawa nila."
"Ayos lang, pagkagaling mo na lang saka ka bumawi." Malambing niya kong nginitian habang pinaghahainan ng kanin.
"Magaling naman na ko, e. Wala lang akong matandaan," pabulong kong sabi bago tingnan lahat ng nilagay niya sa plato ko. "Tapos pala, Raf! May napanuod pa ko sa youtube. Parang masarap." Hinim
