"Sorry." Disappointed ako sa sarili ko. Hindi na naman ako nag-iisip.
"Ayos lang." Umupo rin siya mula sa pagkakahiga. "Mabuti pa, magpahinga ka na. Doon na ko sa guest room sa tapat."
Napasabunot ako sa buhok ko nang makalabas siya ng kwarto. Naisipan kong magbabad sa shower hanggang sa tumino ang pag-iisip kong lumutang dahil sa alak.
Kung ano-ano ang ginawa ko. Kung ano-ano ang sinabi ko.
"Ano 'yung kasalanan mong ayaw mong sabihin?" Napaisip ako habang nakahawak sa pader ng banyo. "Mas pinili mo kong iwan kaysa malaman ko 'yon?"
Kinabukasan, wala na si Raf. Sumabay na lang ako sa pag-alis nila Dina at nagpahatid sa office.
"Mamaya samahan mo ko sa mall. May bibilin ako."
"Dina, malaswa ba ko kagabi?"
Tumawa si Kyle na pinalo agad ni Dina.
"Hindi naman, hinalikan mo lang si R
