"Masaya ka naman ba?" Pinagmasdan ako ni Dina na nauupo sa tabi niya.
"Oo naman," proud kong sagot. "Parang dati lang. Bakit kasi nabaliw ako, 'no? Iniwan ko pa siya dati para lang kay Raf. Eh, kung tutuusin naman. Mas gwapo pa sa kanya si Stephen—Aray!"
"Kyle, makabunggo ka naman kay Lory!" angal din ni Dina habang nakaproteksyon na sa ulo kong natamaan ng dalang bag ni Kyle.
"Ay, sorry. Hindi kita nakita." Sarkastiko 'yon kaya napatingin ako kay Dina.
"Magkaaway ba kayo?" bulong ko. "Ba't damay ako?"
"Hindi, 'no. Baliw lang 'to. Teka nga, magpalit tayo!" Pinalo ni Dina sa likuran si Kyle nang tumayo siya. "Ano bang problema mo?"
May minostra siya na tinignan ni Dina. Wala akong nakita noong lumingon ako. Minomostrahan ko naman si Dina kung ano 'yon kaso lumandi na siya kay Kyle.
