“MIKAEL? Mikael?” pasigaw na tawag ni Ysabella.
“Oh, Ysabella, gising ka na pala. Kain ka na--”
“`Andito si Fernan! Alam ko `andito siya! Bumalik siya, ang kapatid mo!” Maluha-luhang sabi ni Ysabella kay Mikael. Naabutan niya ito sa salas habang nanonood ng telebisyon. Natutuliro na siya at hindi niya malaman kung ano ang gagawin at iisipin.
Hindi pa rin siya makapaniwala na pag-gising niya ay magigisnan niyang suot na niya ang paboritong damit ng namayapang asawa. Dagdag pa ang puting rosas sa papag na si Fernan lang naman ang gumagawa.
Tumayo si Mikael at nilapitan siya. “Ano bang sinasabi mo?” hinawakan pa siya nito sa magkabilang balikat dahil hindi talaga siya mapakali.
“Si Fernan, `andito siya!”
“Ha? Ysabella, imposible `yang sinasabi mo. Wala na si kuya. Patay na siya…”
“Alam
