AKRIM
Gabing gabi na nang makaakyat ako ng silid, mahimbing na ang tulog niya.
Tinitigan ko ang napakaamo niyang mukha, magpahanggang ngayon ay nalulunod pa rin ako sa ganda niya.
Sinong mag-aakalang magkrukrus muli ang landas namin? Akala ko, hindi ko na siya muli pang makikita.
Halos bigwasan ko pa ang mapang-asar na mukha ni Fuentaville nang makita ko kung gaano sila kalapit sa isa’t isa
At sa mga sinabing impormasyon sa akin ni Jef, I assumed, na may relasyon nga si Fuentaville at Andrea.
“Pareho lang tayong pinaikot ni Andrea, pagkatapos akong huthutan ng napakalaking halaga, ayon iniwan ako nang makakita ng mas guwapo at mayaman sa akin na doktor,” ang nangangalit na aniya. Nasa kulungan na si Jeffrey sa patong patong na kaso.
Pinapahanap ko rin ang mga kaibigan niyang nas
