ANDREA
Namangha ako nang isang private chopper ang sumundo sa amin, doon lamang din sa roof top ng hotel kung saan kami naroon ito nakalapag.
May tauhan na sumalubong sa amin at agad kinuha ang maliit na maletang dala ko.
Kaya ko naman bitbitin iyon pero wala akong nagawa kun ‘di bitawan nang marinig ko ang iritadong boses ni Akrim.
“Nagdala dala ka pa kasi ng gamit, di ba sinabihan na kitang lahat ng kailangan mo nasa mansyon ko na?!” He tsked.
Hindi ako umimik. Pero umataki ulit ang kaba sa dibdib ko dahil nairita ko na naman siya. Gusto kong mangatuweran pero mas pinili kong itikom na lang ang bibig ko.
Baka mas tumindi pa kasi ang iritasyon niya at mas lalong mabulyawan ako.
“Hindi uubra sa akin ang katigasan ng ulo mo, Andrea. Whether you like it or not, you should follow
