Gilbert (POV)
Hindi totoo ‘to. Ang saya ko lang talaga ngayon dahil nag-decide si Maine na dito maki-sleep over sa bahay namin. Aaminin kong nahihiya ako kahit nakita niya na ang bahay namin. Tamang pang-isang tao lang ang kuwarto ko. Hindi ko alam kong masisikmura niya ba o hindi. Lahat ng puwede kong linisin, nilinis ko na. Nakita ko kasi ang loob ng bahay nila. Mukhang sinusumpa nila kahit katiting na alikabok. ‘Yung mga FHM at Playboy ko, nasa baul muna ni Kuya Jeff para siya ‘yung mapagkamalang “tirador” dito sa amin. Natatawa pa ako habang naglalampaso ng sahig kasi kulang na lang e hilahin ako ni Mama papuntang simbahan para ipagpasalamat sa Diyos ang “pagbabagong buhay ko.” Amoy dug-out kasi ang kwarto ko. Nagulat sina Mama at Papa nang malaman nilang pupunta rito si Maine. Mahiya
