تيامو

الفصل الخامس

شروق دخلت شربت مايه لقت احمد بيرن عليها

احمد : صباح الخير يا قلبي

شروق : صباح النور والسرور ع قلبك

احمد : فطرتي

شروق : اه

احمد : اخذتي العلاج

شروق : لا لسه نسيت اخده

احمد : ليه بس كده يا قلبي متنسيش تاني

شروق : ماشي مع ان العلاج مر بس في وسط المراره حلاوه كلامك بتضيع المر ع طول

احمد بغزل : طلع في كلام حلو اهو

شروق : بجد يعني انا مش بقول لك كلام حلو

احمد بحب : لا يا قلبي. بتقولي

شروق : امال اه بقى

احمد :، بهزر معاكي يا قلبي

شروق : ماشي يا حبيبي

احمد : انتي هتاخدي المحلول امتى

شروق : كمان ساعتين

احمد : ماشي انا هجيلك

شروق : تنور يا قلبي

احمد : بنورك

عدي ساعتين واحمد جه و قعدوا يتكلموا مع بعض لحد ما المحلول خلص

.................................................................

اسمهان بعد ما أعطت الرقم ل مازن و هو ع طول بيكلمها ومن ضمن الكلام

اسمهان : صباح الخير يا مازن

مازن : صباح النور والسرور والورد المنثور ع قلبك

اسمهان : ميرسي

مازن : بقولك

اسمهان : قول

مازن : انا خارج النهارده اقعد ع كافيه شويه لو ينفع تيجي معايا

اسمهان : اه عادي

مازن حدد الميعاد اللي هيروح فيه

وجه بليل

اسمهان لبست فستان قصير كحلي مطرز تطريز خفيف و لائق بانوستها

و مازن قا**ها بعربيته ونزل فتح لها الباب و قفل و رآها

ورجع مكانه وهي قالت : ميرسي... اي رايك في الفستان

مازن : روعه عليكي

اسمهان : بجد

مازن : بجد

اسمهان : ميرسي لزوقك

مازن: على فكره انا مش بجامل انا بحب اقول الحقيقه

اسمهان: انا كده بردو..... البدله بتاعتك حلوه ولون فستاني صدفه

مازن : شكرا..... أنا لسه واخد بالي

ووصلوا الكافيه اسمهان فتحت المنيو و لقت بيتزا

و طلبت مولتن كيك و و ايس كريم و كابتشينوا

الجارسون : الطلب يا فندم

اسمهان بحماس : قالت طلبها

مازن بصدمه : انا و احد كابتشينوا

الجارسون مشي

اسمهان : انتي مصدوم من اه

مازن : هو انا ممكن أسألك سؤال

اسمهان : اه طبعا اتفضل

مازن : هو انتي هتأكلي كل اللي طلبتيه

اسمهان بحماس كأنها طفله وملامحها البريئه ظهرت بسرعه : اه

مازن تايه في جمالها و برائتها : اوك ماشي و فضل مبحلق فيها لحد ما وصل الطلب

اسمهان : مازن يا مازن الطلب وصل

مازن : ها اه ماشي

اسمهان بتأكل البيتزا بسرعه كأنها طفله و الكاتشب على شفتيها بعد ما خلصت البيتزا

مازن : اسمهان في كاتشب ع شفايفك

اسمهان قعدت تدور ع مكان الكاتشب مش لاقيه

مازن : انا ممكن اساعدك

اسمهان : ياريت

مازن قرب منها و مسح الكاتشب اللي على شفايفها

اسمهان : شكرا

مازن : العفو

قامت حضنته زي الأطفال و قالت : ميرسي ع البيتزا

و بعدين رجعت لورا و قالت انا اسفه

مازن : ولا يهمك مفيش حاجه حصلت

و قعدت تاكل باقي الحاجه و فضلت قاعده شويه و هما قاعدين و بعدين ماشيين في الطريق للبيت

اسمهان : انت رايح فين.

مازن : مروحين

اسمهان : لا نزلني عند الكورنيش اتمشى شويه

مازن : دلوقتي

اسمهان : اه

مازن : ممكن أسألك سؤال

اسمهان : اتفضل

مازن : انتي ازاي بتاكل الاكل ده و جسمك كده

اسمهان : بجري كتير و لازم جسمي يبقى كده لاني بلعب باليه و بروح الجيم و في البيت البسين بعوم فيه

مازن : اوك... أنا بردو كنت عاوز اروح جيم كويس

اسمهان : اللي انا فيه ممتاز

مازن : اسمه اه

اسمهان قالتله الاسم : انا هروح بكره

مازن : انا هاجي و بالمره اوصلك

اسمهان : اوك بس ياله ننزل ع الكورنيش

مازن رايح يقعد

اسمهان : انت بتعمل اه

مازن : هقعد

اسمهان : قوم ياله احنا هنجري

مازن : اوك

اسمهان جريت بسرعه خالص ولابسه كعب وهي راجعه كانت هتقع

مازن لحقها بص لها و هي بصتله فتره

وقامت : شكرا

مازن : العفو

وقلعت الصندل

مازن : انتي قلعتيه هتجري ازاي

اسمها سابت الصندل و جربت نص ساعه من غير ما توقف وراحت ركبت العربيه

مازن : بجد برافو انتي لو ولد كان زمانك ظابط سريعه جدا

اسمهان : ميرسي ميرسي

روحها البيت و احمد روح

وناموا

................................................................

تاني يوم شروق اخدت المحلول واحمد كان قاعد معاها

و بعدين المحلول خلص و قاموا قعدوا كلهم برا اتعشوا و احمد كلم ابو شروق

احمد بتردد : كنت بقولك يا عمي

على : قول يا ابني

احمد : كنت عاوز اخد شروق بكره اف*جها ع الفيله بتاعتنا

على : عادي خدها

احمد : شكرا يا عمي

و قعد شويه و روح

و لقى اسمهان لابسه و خارجه

احمد : راحه فين يا اسمهان

اسمهان : راحه الجيم

احمد : لوحدك

اسمهان : لا مازن هيجي معايا

احمد : اوك هو هيجي ليه

اسمهان : كان عاوز يروح لجيم كويس و انا قولتله ع الجيم اللي انا فيه

احمد : ماشي

و مازن ون عليها : الوو

اسمهان : انا نازله اهو

مازن : ماشي

و نزلت وركبت

مازن : انتي راحه الجيم ولابسه طقم ليه

اسمهان : انا بجيب الطقم بتاع الجيم و اغير هناك و وجايبه مياه و مجهزه نفسي يعني

مازن : اوك

....................................................

راحو الجيم و دخلت غيرت هدومها لبست طقم الجيم كان جميل جدا بس تفصيله كات و استرتش رصاصي في اسود

و بتدرب

جه واحد من اللي بيدربوا رخم عليها

قالتله : ابعد عني يا شاطر

__ ليه بس يا جميل بيقرب منها

و مازن واقف بيغلي من جواه و مش عارف ليه

اسمهان : دا انت مبتفهمش بقا

الولد : اه مفهمش

اسمهان ض*بته حته بو** كأنها ولد جامد

الولد مش قادر يقوم : اه دا دي ايد بنت

اسمهان وطيت له و قالت : الرك ع التأسيس يا روح ماما و لو لقيتك بتقرب مني تاني هتبقى بتدور على أجلك

وكملت رياضه

مازن جه عندها وقال : جامده جامده يعني

اسمهان : امال عاوزني اسكتله

مازن : لا طبعا بس تصرف حلو

اسمهان : انا ببقى كده لو مش متوتره لاكن لما ببقى متوتره مبقدرش اعمل حاجه خالص

مازن : اوك

فضلوا كده بيخرجوا مع بعض و يروحوا الجيم مع بعض

..................................................................

جه تاني يوم احمد بيرن على شروق عشان تنزله عشان يروح يوريها الفيله بتاعتهم

شروق : الو يا احمد

احمد : الووو يا شروق انزلي انا تحت اهوا

شروق : اوك نازله اهو

نزلت و ركبت و راحوا الفيله واتف*ج عليها

شروق : الله دي جميله اوي يا احمد

احمد بغزل : مش أجمل منك يا روحي

شروق : طب بطل

احمد : سكت اهو

و اتف*جت على باقي الفيله و عجبتها اوي

احمد : اه رايك

شروق : جميله خالص

احمد : الحمد لله انها عجبتك

شروق : اه طبعا عجبتني خالص لأنك انتي اللي منقيها

احمد : شكرا يا قلبي

شروق : الشكر لله يا حبيبي

احمد : خلي بالك و انتي ماشيه بدل ما تقعي في البسين

شروق : ماشي روحني بقا عشان بابا

احمد : ماشي يا قلبي

شروق : ميرسي يا روحي

احمد : ماما كانت بتقولي ابقى ارن عليها عشان عاوزه تسلم عليكي

شروق : رن عليها اكلمها

احمد : ماشي

رن علي مامته : ألوو يا ماما خدي شروق معاكي اهي

صبرين : اعطيني اكلمها

شروق : ازيك يا ماما عامله اه

صبرين : الحمد لله بخير يا شروق انتي اخبارك

شروق : الحمد لله بخير

صبرين : اه رايك في الفيله

شروق : جميله خالص

صبرين : الحمد لله انها عجبتك

شروق : اكيد هتعجبني لان احمد اختارها

صبرين : الحمد لله ربنا يجعلها سعيده عليكم

شروق : يارب

احمد : يارب....... باي بقا يا ماما

صبرين : باي يا حبايبي

و خلصوا كلام و قفلوا معاها

شروق : انا بحب مامتك دي اوي

احمد بغزل : وانا كمان

شروق : طب اسكت

احمد : سكت اهوا

شروق و صلنا اهو باي بقا

احمد : مع السلامة يا قلبي

شروق : مع السلامه

احمد رن علي شروق اتطمن عليها و قال انه جاي بس مقالش جاي ليه

شروق : تنور

و قفلت معاه

راحت لبابا ومامتها قالت إن احمد جاي

على : ينور يا بنتي...... بس في حاجه ولا اه

شروق : مش عارفه اصله مقالش سبب يعني

فوزيه : ع العموم البيت بيته

شروق : طب انا داخله اغير هدومي بقا

على : ماشي

شروق دخلت تغير هدومها

............................... .................. ... .......

في بيت أحمد

احمد قال للكل يتجمع و بالفعل الكل اتجمع

صبري : في اه يا احمد جايبنا كلنا ليه

احمد : واللهي كنت عاوزكم في موضوع

صبري: قول

احمد : انا عاوز اتجوز شروق

صبري : ما انت هتتجوز شروق

احمد : امتى

صبري : كمان شهرين كده ولا حاجه

احمد : لا والله ودا من امتى ان شاء الله

صبري : انت اهبل صح

احمد : صح بس اشمعنا شهرين يعني

صبرين : انتوا لحقتوا تتعرفوا على بعض

احمد : اه والله احنا بقالنا ٣ شهور مخطوبين و انا عاوز اتجوز

اسمهان و هي مش قادره تمسك نفسها من الضحك :خليه يتجوز يا بابا بدل ما يعمل في نفسه حاجه هههههه

احمد : على فكره انتي بايخه

اسمهان : ميرسي

احمد : ها قولت اه يا بابا

صبري : كمان اسبوعين نروح نتفق ع الجواز

احمد : اسبوعين اه و ميبقاش النهارده ليه

صبري : دا انتي مجنون فعلا

احمد : اه مجنون و ياله اجهزوا عشان نروح دلوقتي

صبري : يابني مينفع

احمد مقاطعا : ياله اجهزوا يا جماعه

صبرين : خلاص يا حاج احنا كده كده لما نروح لسه هنتفق و قدامنا اسبوعين او اكتر

صبري : اجهزوا و أمري لله

احمد : هو ده الكلام الصح

صبري : طب ادخل يا بتاع الصح و الغلط

احمد دخل بسرعه قبل ما ابوه يغير رأيه

لبسوا وجهزوا و رايحين لبيت شروق

وشروق لبست و لقت اللي بيرن الجرس و فتحت استغربت ان مش احمد بس اللي جاي لا دا كمان اهله معاه

شروق : اتفضلو

الكل دخل و قعدوا

على : ازيكم يا جماعة

صبري : الحمد لله بخير

على : يارب دايما

صبري : كنا عاوزينك في موضوع

على : اتفضل قول

صبري : احنا عاوزين نعمل الفرح بتاع أحمد و شروق

على : ما هو كده كده هيتعمل و كل تأخيره و فيها خيره.

صبري : بس الولد مستعجل اعمله اه احنا هنتفق و عما نتفق ع الحاجه يكون اتاخرنا شويه

على : ماشي

صبري : هنعمل كروت الفرح

احمد رد بسرعه : جاهزه جاهزه

صبري باسغراب : دي جهزت امتى

احمد : الاسبوع اللي فات انا جهزتها

صبري : اه ماشي

احمد : لسه القاعه و الفستان بس صح

على : ايوه صح

احمد : احنا ممكن نروح كلنا دلوقتي نشوف قاعه حلوه

على : بس

احمد : بس اه بس يا عمي الله يخليك قوم ياله ياله ها بسرعه

على : خلاص خلاص قومنا اهوا

هما كانوا لابسين و نزلو

على و فوزيه و صبري و صبرين في عربيه

و العربيه التانيه فيها احمد و شروق و اسمهان

و لفو كتير لحد ما لقوا قاعه حلوه

أقرب و قت بعد اسبوعين و طلبوا كل اللي عاوزينه يتعمل قالوا عليه

و سأل شروق بغزل : اه رايك في القاعه

شروق: جميله

احمد بغزل : انتي الأجمل

شروق بخجل : اسكت بقا

احمد : ماشي يا قلبي دا القمر طلع م**وف مني

شروق : طب انا ماشيه و سيباك

احمد شدها من ايدها و قربها منه : ليه بس كده

شروق بعدته عنها وجريت ركبت العربيه

و هما راكبين العربيه

اسمهان : احنا هنروح نجيب الفساتين امتى

احمد : الاسبوع الجاي كويس

اسمهان : اه

احمد : اه رايك يا شروق

شروق : اللي انت عاوزه

احمد : ماشي على اخر الاسبوع كويس

شروق و اسمهان : كويس

وروح شروق واتفقوا انهم هيجيبو الفستان ع اخر الاسبوع

و كل واحد روح بيته و احمد كلم شروق كالعادة حب و غرام

و من ضمن كلام أحمد لشروق : اخيرا هتبقى ملكي و ميبقاش في حدود بينا يا حياتي انا بعشقك يا شروق انتي متعرفيش انا بحبك قد اه

شروق بحب و خجل : لا عارفه و انا كمان بحب يا احمد

احمد : انا هفضل متعلق كده كتير ياريت لو كان الفرح بكره انا مستني الفرح بفارغ الصبر

شروق : و انا كمان

احمد : المهم انتي اخذتي العلاج

شروق : لا لسه

احمد : انتي عاوزاني ازعل منك

شروق : ليه بس يا قلبي

احمد بحب : عشان مخدتيش علاجك

شروق : هقوم اخده دلوقتي بس متزعلش مني

احمد : ماشي ياله قومي

شروق قامت اخدت العلاج و رجعت كلمت أحمد

احمد : اختي علاجك

شروق : اه اخدته

احمد : كوويس يا قلبي

شروق : قولتلك ان انت الحلو في وسط المر قبل كده و انت ع طول بتثبتلي كده

احمد : بحبك

شروق : وانا كمان

احمد : انتي اتعشيتي

شروق : اه اتعشيت و انت اتعشيت ولا لسه

احمد : لا لسه

شروق بحب : ليه بس كده لازم تاكل عشان متبقاش مرهق

احمد : ماشي هاكل

شروق بضحك : هتاكل اه

احمد : هاكل سندويتش كفته

شروق : اوك ماشي

احمد اكل و قعدوا يتكلموا

احمد : تصبحي على خير يا قلبي

شروق : و انت من اهل الخير يا حياتي

ناموا

.......... ................... ...... ..... ....... ....... ...

تاني يوم

احمد قايم مزاجه رايق ع الاخر و في غرفته

صبرين : يا احمد تعالي ياله عشان الفطار جهز

احمد : ماشي يا حبيبتي

صبرين : اي الروقان دا

احمد : عادي يعني

اسمهان : اكيد رايق عشان حبيبت القلب

احمد : اتلمي بدل ما ألمك

اسمهان : انت شايفني متبعطره ولا اه

صبرين : بطلي رخامه ع اخوكي يا شروق

اسمهان : ماشي يا ماما

و قعدوا فطروا قدام البسين

و بعد الفطار كل واحد دخل غرفته ما عدا صبري و صبرين قاعدين في الصاله قدام التلفاز

احمد بيكلم شروق

و مازن بيرن ع اسمهان

اسمهان : ألوو إزيك يا مازن

مازن : الحمد لله بخير و انتي اخبارك

اسمهان :يارب دايما...... أنا الحمد لله بخير

مازن : كنت بقول اه رأيك نخرج انا و انتي و ناخد احمد و شروق معانا

اسمهان : فكره حلوه بس هنخرح الساعه كام

مازن : ٨ كويس

اسمهان : اه كويس كلم بقا احمد

مازن : ماشي باي بقا

مازن قفل مع اسمهان و بالفعل رن علي أحمد

احمد : ازيك يا مازن

مازن : الحمدلله فينك

احمد : موجود اهو

مازن : بقولك

احمد : قول

مازن : كنت بقول نخرج النهارده

احمد: لا مليش مزاج

مازن : مش احنا لوحدنا هناخد اسمهان و انت كلم شروق و نخرج سوا

احمد : ماشي عادي نخرج

مازن قعد يضحك و قال : طب باي بقا

احمد قفل مع مازن و رن علي ابو شروق

علي: ازيك يا احمد عامل اه

احمد : الحمدلله بخير انت اخبارك يا عمي

على : الحمدلله بخير

احمد : كنت عاوز شروق تخرج معايا انا و اسمهان و مازن ابن عمي لو ينفع يعني

على : اه ينفع عادي

احمد : متشكر جدا ليك يا عمي

على : الشر لله يا ابني هنادي لشروق اخليها تجهز اهوا

و قفل معاه و قال لشروق تلبس عشان هتخرج

شروق : هخرج اروح فين ومع مين يا بابا

على : هتخرجي انتي و احمد و اسمهان و مازن ابن عمه

شروق : ماشي

على : ماشي و لسه واقفه ادخلي البسي

شروق : ماشي

شروق لبست و احمد رن عليها و نزلت

احمد : اه الجمال ده كله

شروق : انت الأجمل

احمد : طب اركبي ياله عشان نفضل مع بعض

شروق : ماشي

و مازن سلم على شروق

مازن : ازيك يا شروق عامله اه

شروق : الحمدلله بخير

مازن : يارب دايما

و راحوا ع كافيه قعدوا شويه و قاموا شروق و احمد رقصوا سلو

احمد : امتى بقا الرقصه دي تبقي يوم فرحنا

شروق : قريب ان شاء الله

احمد : انا مستني اهوا

شروق : للدرجه دي

احمد : واكتر

شروق : بجد

احمد : بجد انتي وقعتيني في حبك يا بنت اللذينه

شروق : ماشي انا عاوزه اتمشى على الكورنيش

احمد : ماشي نقول لمازن و اسمهان و نتمشى ع الكورنيش

شروق : ماشي

احمد قال لاسمهان و مازن انهم يقوموا يتمشوا ع الكورنيش

و قاموا

وصلوا للكورنيش و قاموا يتمشوا

احمد : فرحانه

شروق : اه

احمد : ليه

شروق : لاني معاك

احمد : و انا كمان

وقعدوا يتمشوا و هما ماسكين ايد بعض

احمد : بكره الخميس يعني اخر الاسبوع يعني تشتري الفستان بكره

شروق : إن شاء الله

احمد : هتاخدي مين معاكي

شروق : هاخد اسمهان

احمد : انا هوصلك

شروق : ماشي

و قعدوا ع الكورنيش لحد الساعه ١٢

شروق : مش ياله نمشي بقا

احمد : ماشي ياله

و مشيوا احمد و صل مازن و وصل شروق

احمد : مش عاوزه حاجه يا منى يا شروق

شروق : سلامتك يا قلبي تصبح على خير

احمد : وانتي من اهل الخير

شروق : تصبحي على خير يا اسمهان

اسمهان : وانتي من اهل الخير

و شروق طلعت

احمد : اجهزي بكره بقا عشان هتروحي انتي و شروق تختاروا فساتين سوا

اسمهان: اوك

احمد : ماشي

اسمهان : حجزت في الكوافير اليوم بتاع الفرح

احمد : اه نسيت

اسمهان : طب بكره لازم لان الفرح الاسبوع الجاي

احمد : ماشي

و روحوا و شروق غيرت هدومها و اخدت العلاج

وكلمت احمد عشان تطمن عليه

شروق : ألوو احمد

احمد : ألوو حياتي

شروق : روحت

احمد : اه وغيرت هدومي كمان انتى اخذتي علاجك

شروق : اه قبل ما اكلمك اخدته

احمد : ماشي اجهزي بكره الساعه ٤ عشان تجيبي الفستان و نحجز كوافير

شروق : ماشي

احمد : تصبحي على خير يا قلبي

شروق : وانت من اهل الخير يا حبيبي

و قفلوا مع بعض

....................................................................

تاني يوم

الكل فطر

شروق : بقولك يا بابا

على : قولي يا روح بابا

شروق : انت عارف طبعا اني هروح اجيب الفستان بتاعي صح

على : صح

شروق : احمد قال اننا هنروح الساعه ٤ انا و اسمهان ماشي

على : ماشي

شروق فطرت و قامت اخدت العلاج

وكلمت احمد احد ما الساعه بقت ٣

احمد : قومي اجهزي بقا ماشي

شروق : ماشي

شروق قامت لبست ونزلت لأحمد

احمد حجز في كوافير ل شروق و اسمهان

وراحوا ع اتيليه الفساتين احمد رايح يطلع معاهم

شروق : انت رايح فين

احمد : طالع معاكوا اشوف الفستان

شروق : لا طبعا

احمد : ليه بقا

شروق : عشان عاوزاك تتفأجئ يوم الفرح ياله انزل بقى

احمد : ماشي انا نازل اهوا

شروق و اسمهان طلعو عشان ينقوا

شروق قعدت ادور لحد ما لقت فستان تحفه خالص

و اسمهان اختارت فستان مجسم لونه نبيتي روعه

و جابوا الصنادل

و احمد كان اعطي ل شروق الفيزا كارت ودفعت و نزلت

شروق نزلت و راحت ركبت العربيه هي و اسمهان

احمد : اكيد جعانين من اللف ده كله

اسمهان : اه جعانين اوي

احمد : طب ياله نروح مطعم

راحوا المطعم و شروق قعدت تاكل و مش قادره تقاوم من كتر الجوع

احمد ضحك عليها

شروق : بتضحك على اه

احمد : شيلي اللي وقع ع شفايفك

شروق قعدت تدور ومش لاقيه اللي على شفايفها احمد قرب منها و شال اللي وقع على شفايفها

و قاموا وروحهم ووصل شروق

احمد : مش عاوزه حاجة

شروق بحب : سلامتك

احمد : مع السلامة

يتبع