HABANG nasa silid si Tori ay sinamantala ni Bernard ang pagkakataon na makapagluto na dahil humahapon na rin.
Pagdating niya sa likod-bahay kung saan naroon ang nga tanim na saging ay itinaas niya ang bitbit na container at saka pinagmasdan ang tuko na nasa loob niyon.
“Ikaw, ha. Huwag ka na ulit magapasok sa loob ng kasilyas at baka tuluyan ka nang mabitay,” pagkausap niya rito at saka niya binuksan ang container para ito pakawalan sa kasukalan.
Iiling-iling na inilapag niya ang container sa lupa at saka kinuha ang gulok na naiwan niya kanina nangnagmamadali siyang pumasok sa bahay matapos sumigaw ni Tori. Muli siyang kumuha ng dalawa tatlo pang dahon ng saging at pumitas nang ilang pirasong kalamyas bago muling pumasok sa loob ng kusina.
Pagkalapag niya ng mga nakuhang dahon at kal
