HABANG binabaybay ang dalampasigan ay tuliro at okupado ang utak ni Tori.
Nalilito siya sa nararamdaman niya. Alam niya kasi na ipinagtatanggol at pinoproteksyunan lang siya ni Bernard dahil sa kalagayan nilang dalawa. Sa mata ng ibang tao, dapat lang na gawin iyon ng binata dahil ‘ikakasal’ na sila. Subalit may isang bahagi sa puso niya ang pilit na kumakabig at tila ba naniniwalang mula sa puso ang ginagawang iyon ng binata at hindi napilitan lang dahil sa sitwasyon nila. Sa isang banda, kinilig siya. Literal na kumabog ang dibdib niya at natuwa na kahit paano ay posible siyang magustuhan ng lalaki… not until naisip niya kung ano ang mas malaking dahilan ng binata para maging mabait sa kaniya.
It was all because of Allie.
Kaagad siyang nakaramdam ng hapdi sa dibdib, bagay na pilit
