Tulad ng sinabi ni Paul, nakasalubong nga namin sina Marc sa daan papuntang elevator. May kasama si Marc. Si Ate Maris at ang dalawang bata. Gusto ko sana siyang lapitan at tanungin kung ayos lang ba siya pero halata naman sa mga mata niya ang pagod at hirap. Saka isa pa, may kasama siya, at wala namang rason para lapitan pa siya.
"Kelly, kumusta ka na?" tanong sa akin ni Ate Maris. "Masaya akong makita kang muli. Sana naging maayos ang pakikisama ng kapatid ko sa 'yo."
"Maraming salamat, Ate Maris. Mama, siya 'yung tinutukoy ko sa iyo kanina na tumulong sa akin sa bahay ni Leventon at secretary nina Kuya Zachary noon. Ito naman si Marc, ang kapatid niya, siya ang tumingin sa akin ng ilang buwan habang hinahanap si Ate Zoey."
"Hijo, hija, maraming salamat sa inyo dahil hindi niyo pinaba
