"Huwag na kayong bumaba dito, ako nalang bibili sa loob baka kasi mamukhaan pa kayo ng mga tao." sabi ko kina James at Jake na ngayon ay nakadungaw sa bintana ng kotse.
"Mag-ingat ka din. Alam mo naman na medyo kilala ka na rin ng mga tao ngayon." paalala ni Jake na siyang nginiwian ko.
"Sus ako? Makikilala? Kung makilala man nila ako tiyak na matatakot yun sa taba ko." tatawa-tawang ani ko pero sa totoo ay sobrang kinakabahan din ako. Tumawa naman yung dalawa na animo'y naniwala naman sa sinabi ko kaya hinayaan na nila akong maglakad mag-isa.
Bumuntong hininga muna ako bago ako papasok sa grocery. Pagpasok ko palang ay kapansin-pansin na yung tingin ng iilang mga tao dito. Mabilis akong pumunta sa may freezer at agad na kumuha ng anim na ice cream para sa aming lahat.
"Lord, ikaw n
