RIYA'S POV
NAPANGIWI ako nang marinig ko na naman ang pag-ugong ng aking tiyan. It is almost nine o'clock ng gabi pero hindi pa rin ako kumakain simula kanina pang umaga. Naisip ko bigla si Jocco. Kumain na kaya siya? Tulog na kaya siya?
I think, kumain na siya. Imposible na hintayin pa niya ako.
Hindi umubra sa akin ang pamimilit niya kanina sa akin na kumain. Mas matigas ako sa kanya. Kapag ayaw ko, ayaw ko! Prinsipyo ko na 'yan.
Isa pang pag-ugong ng aking tiyan ang nangyari at napabalikwas na ako ng bangon sa aking kama. Hindi ko na talaga kaya ang gutom na nararamdaman ko. Kailangan ko na talagang kumain! Pero papaano kung gising pa si Jocco at makita niya akong kumakain? Nakakahiya kasi patanggi-tanggi pa kasi ako kanina. Baka sabihin niya wala akong isang salita.
Ah, bahala na
