AALIS NA SANA ang doktor nang matigilan ito at muling nilingon si Yasmin. “Oh, I remember you!” aniya. “Ikaw ang guardian ng pasyente sa room 1206. Her results are out.”
Tinutukoy nito ang ina ni Percival na nasa private room 1206.
Bago pa siya makapagtanong, mabilis itong lumakad papuntang nurse stations at kinuha ang isang long envelope. Nang mabuksan niya at mabasa ang unang linya, para siyang binuhusan ng malamig na tubig. “Malignant tumor.”
Nanikip ang dibdib niya. Her brows furrowed deeply, at halos manghina ang mga daliri niyang humahawak sa papel. This was not a good result. This was the last thing she wanted to see.
Sandali siyang natigilan, pinipigil ang panginginig ng kanyang kamay, bago tuluyang lumakad papasok sa private room ni Percival. Tulala lang siya hanggang sa ibal
