Bagama't narinig iyon ni Ed ay nanatili din itong tahimik.
"Nay?"
Tumikhim si Nanay Krising. "Matagal ng wala si Victor, anak. Bakit mo ba natanong 'yan?"
Umawang ang bibig n'ya dahil sa pagkabigla. Hindi n'ya inaasahan na ganoon ang sinapit ng ama ni Kurt.
"K-kailan p-pa po, Nay?" nanginginig na tanong n'ya.
"Last year pa, 'nak."
Bigla s'yang nakaramdam ng awa sa ex n'ya. Hindi n'ya akalain na ganoon kabilis kinuha ang ama nito.
"Maaga naman, 'Nay. Noong huli ko s'yang nakita, malakas pa si Sir Victor." She paused for a moment. "May sakit ba s'ya?"
Natigil si Nanay Krising sa ginagawa n'ya saka ito pumihit paharap sa kanya.
"Inatake sa puso ang ama ni Kurt, 'nak. Hindi na naagapan dahil dead on arrival na ito ng maisugod da hospital." saad ni Nanay Krising.
"Kung ganoon, 'N
