"SAAN KA PUPUNTA, BABYBOY?"
Papasok na sana ako ng elevator, patungo sa parking lot ng opisina nang harangin ako ng mga siraulo kong pinsan.
Sina Kirk at Macky.
Si Macky ay inakbayan ako at ito pa mismo ang naggiya sa akin papasok ng elevator. Habang nasa likod naman namin si Kirk na tila sinisigurong hindi ako makakatakbo.
Naka-hoody jacket pa ang dalawa at naka-face mask. Kung titingnan sa CCTV, iisipin ng kahit na sino na nakidnap ako ng mga hindi nakikilalang lalaki.
Mga gàgo talaga.
"Ano na naman ang drama n'yo?" Salubong na salubong ang mga kilay na tanong ko sa mga ito. Pilit kong binabawi ang braso ko ngunit ayaw iyong bitiwan ni Macky. "Mga siraulo kayo, kailangan ko nang umuwi, hinihintay ako ng asawa ko."
Patuya akong tiningnan ni Kirk at inismiran. "Wala ka pang asawa, g
