"RHIA BEATRICE GALVEZ-DA SILVA..."
Bahagya pa akong napatda, at sandaling natigil sa paghakbang nang banggitin ng speaker ang pangalan ko, na sunundan ng apelyido ni Kael. Napatingin tuloy sa akin ang mga guest at university heads na naghihintay sa gitna upang ibigay ang diploma ko at makipagkamay sa akin.
Hindi ko alam kung dahil ba sa pagtigil ko, o dahil sa binanggit na karugtong ng pangalan ko.
Pati nga ang tumatawag ng mga pangalan ng mga nagsipagtapos ay napakunot ang noo. Sandali pa ako nitong nilingon, na tila sinisigurado na ako nga iyon. Kilala kasi ako nito. Isa ito sa mga naging professor ko.
Hindi ko alam kung ano ang ginawa ni Kael para maidugtong ang pangalan nito sa akin, pero sigurado ako na ito ang may gawa niyon.
Pagdating namin kanina ay sandali itong nagpaalam at
