XXX. Wake me up, I'm dreaming
Tanya Tebrero's
2 years later...
"Aleera! Ali naman, eh. Sabi ko namang 'wag mong aalisin ang tingin mo sa kapatid mo!" Agad kong binaba ang bimpong hawak at tinakbo na ang maliit na distansya papasok sa amusement park na iyon.
Nang tanungin ko kasi si Ali kung saan nito gustong magpunta sa birthday niya ay ito agad ang tinuro. Tinawanan ko na lang, ito na kasi ang 19th birthday niya kaya nakakapagtaka ring dito niya pa gustong magpunta. Pero sa sabagay, minsan may kakulitan din kasi itong anak kong ito. Hindi na nagbago.
"Eh, My, kinuha ko lang po 'yung milk niya dito paglingon ko wala na po." Halata sa boses ng anak ko ang takot kaya minabuti kong kontrolin ang sarili. Pupwede kasing mas natatakot ko pa siya at hindi rin iyon maganda kaya ginawa ko rin
