Lutang ako habang naglalakad palabas ng university na hindi ko na nga napansin na napadpad na ako rito sa parking lot. Gaano ba kagulo ang utak ko na hindi ko na alam kung saan ako dumadaan? Sinasabi ko nang hindi talaga maganda sa katawan ang lalaking iyon pero ang kulit kasi ng sarili ko. May kalahating katangahan din na tinataglay.
Inilibot ko ang tingin sa paligid at nakita ang iba’t-ibang uri ng mamahaling sasakyan. Hindi naman ito lalampas sa dalawampu dahil kakaiba ito sa mga pangkaraniwang parking lot. Sa tingin ko ay for VIP ang paradahan na ito. Kung may lahi lang akong carnapper ay baka isa na sa mga ito ang napag-interesan ko. Plano ko na sanang umalis nang mapansin ko ang isang pamilyar na sasakyan. Naniningkit ang mga matang nilapitan ko ito.
“Huli ka, balbon!”
