Madilim na noong makauwi ako sa bahay. Ramdam ko na rin ang gutom dahil hindi pa ako nanananghalian. Hindi na nga rin ako nakapasok sa huling klase ngayong araw. Akala ko naman kasi madali lang.
Kasabay nang pagkalam ng sikmura ko ay ang pagtunog ng aking cellphone. Kinuha ko iyon sa loob ng bag bago umupo sa kama. May three missed calls na nagmumula sa isang numero. Mayroon ding tatlong mensahe roon na hindi ko pa nabubuksan na mula rin sa kaniya.
Nakauwi ka na ba? Saktong alas-kwatro ko iyon natanggap na sinundan ng isa pang mensahe, isang minuto lang ang nakakalipas, ‘Ano ang ginagawa mo?’
Hindi ko alam na mahilig palang makipag-text ang Student Council President. Hindi ko napansin kanina na may text pala siya, siguro ay natutulog pa ako ng mga oras na ito sa bode
