Namayani ang matinding katahimikan sa paligid namin. Ngunit higit sa lahat ay bakas ang pagkagulat sa kanila na hindi na nila nagawang itago. Naroong ibubuka nila ang bibig ngunit hindi naman itutuloy dahil walang lumabas na tinig mula roon.
Napabuntong-hininga na lang ako. It looks like someone just dropped a bomb, and everyone caught it with bare hands.
Sino ba naman ang hindi magugulat? Walang pag-aatubili at walang preno na sinabi iyon ni Sister Jana. Para ngang normal lang iyon na lumabas sa bibig niya.
Hindi agad nakapagsalita si Andrea dahil higit sa lahat ay siya ang nakitaan ko nang matinding pagkagulat. I saw her paled face. Mula sa malayo ay kitang-kita ko kung paano mangintab ang namumuong pawis sa kaniyang noo.
Nanatili siyang walang imik kaya ang k
