“Boss, tulungan ka na namin diyan.” Sinalubong ako ng buong Bronze section pagpasok ko pa lang sa classroom. Pang-ilang araw na ba ito na mas maaga sila sa akin pumasok? Malinis na rin ang buong silid.
Hinayaan kong kunin nila at pagkaguluhan ang dala ko. Like what I’ve promised, I will cook for them, and in return they will do good in school.
“Mukhang masarap ang niluto mo, boss. Maraming salamat ulit sa ayuda,” saad ni Isko na hindi nauubusan ng komento sa katawan.
Tumango lang ako at mabilis na inilagay ang bag sa upuan. May kailangan pa akong puntahan. Pagkalapag ko ng bag ay pipihit na sana ako pabalik sa upuan nang hindi ako hayaan ng mga kasama ko. Natigilan ako nang makita kong nakapalibot sila sa pintuan. Hawak pa rin ni Bruno at Isko ang bag na pinaglalagyan
