Chapter 28
“’Wag mo nga kasing iluwa!” kahit gusto kong kumilos para tulungan si Duke ay hindi ko magawa. Ngayon ay natutuwa akong tignan silang dalawa, “Wala ngang lasa! Magpapakain na lang, wala pang lasa!” sigaw sa kaniya ni Gav.
Kita ko ang panlalaki ng mga mata ni Duke nang sabihin iyon ni Gav sa kaniya. Isang malaking ngisi na mula sa galit at inis ang ibinigay ni Duke sa kaniya.
“Hayst! Ikaw na nga ang pinapakain, ikaw pa ang may ganang mag-inarte? Malamang at wala kang malalasahan, dahil may sakit ka!”
“Ayoko n’yan!”
“Kainin mo!”
Para silang magtatay na nag-aaway, mabuti na lamang at sa isang iglap ay natapos na rin ang kanilang bangayan nang makatulog si Gav. Kumain na ako, dahil ako ang kaniyang unang pinakain, sumunod si Gav.
“Hindi k-ka uuwi?”
