Chapter 63
“T-tita..” tawag ko sa kaniya nang mahinahon. Tila nayanig ang kalahati ng mukha ko sa kaniyang sampal. “Luna!” pigil sa kaniya ni Uncle Kevin. “’Wag mo akong pigilan!” sigaw nito at agad na humarap nanaman sa akin.
Galit ang makikita mo sa kaniyang mga mata at doon ako kinilabutan. Alam kong napuno na ang kaniyang mabuting kalooban.
“Shore.” mahinhin ngunit may nakakatakot na tinig n’yang tawag sa akin. “Nakikita mo ba si Gav? Nakakaya mo ba siyang tignan?” tumulo ang mga luha niya at pumantay sa aking mukha. Tila lumuhod ito sa harap ko at agad na hinawakan ang kamay ko. “Anak, Shore. Hindi ko kayang nakikita ang anak kong ganiyan.” nanginginig pa ang labi niya.
“Kung ito lang ang sukli sa pagmamahalan niyo ay mabuti pang itigil n’yo na, itigil mo na.” dagd
