Chapter 88
“Iayos mo na lang ‘yan d’yan. ‘Wag ka nang masyadong gumalaw pa!” napangiti na lamang akong tignan si Vessai na inaayos ang ilang mga props. “Ano ka ba! Buntis lang ako, hindi naman ako lumpo ‘no!” tinulungan ko siya sa pagbomba ng lobo, ngunit pumamewang lamang siya sa akin.
“Sabi mo sa akin kanina ay hindi masyadong makapit ang bata sa ‘yo, hindi ba? Kaya nga binigyan ka ng mga kung anu-ano at mga kailangang gawin mo…” totoo ang sinabi niya sa akin. Isa iyon sa mga sinabi sa akin ng doctor. “Kaya kung ako sa ‘yo, ‘wag…”
“’Wag na ano? Masasayang ang buhay ko?” panggagaya ko sa isang commercial na aking napanood na minsan. “Gaga, kung ako sa ‘yo ay magdikit ka na lang, iyon na lang ang itulong mo sa akin. Ako na ang bahala sa mga pagbomba. Idikit mo na lang ‘yan,”
