Gabi na pero nasa bahay pa rin namin si Steven. Nagtakaka rin ako kung bakit wala pa si Vios. Hindi ko alam kung saan ang lakad niya.
Natutulog na ang mga bata. Nasa kwarto ko ang dalawa, nasa upuan ako kaharap ang salamin. Si Steven ang tumabi sa dalawang anak hanggang makatulog.
Mahimbing ang tulog ng dalawa naming anak. Marahil ay napagod kakalaro sa ama nila kanina. Akala ko araw o buwan pa ang bibilangin para makuha ni Steven ang loob ng anak na babae, pero minuto lang pala at magaan na ang loob ni Stefanny sa kaniya.
Halos wala na nga akong ginawa buong magdamag kundi magluto at tig punas sa mga pawis nila.
Nang tignan ko ang oras, alas nuebe na ng gabi. Ginising ko si Steven. Nakatulog din siya habang yakap ang dalawang anak namin sa kaniya.
"Gising na" mahinanong sabi ko sa ka
