Katty’s POV
“Are you ready, babe?” Nakangiting tanong sa akin ni Patrick.
Napatingin ako sa labas ng kotse at tumingin sa RM’s Bar. Ang bar na pagmamay-ari ni Raymart. Magkikita-kita kasi sila ngayong magkakaibigan at sinama ako ni Patrick. Hindi nga sana ako sasama dahil baka makita kami ni Chard pero ang sabi ni Patrick hindi naman daw pupunta si Chard kaya pumayag na ako.
“Yap,” nakangiting sagot ko.
Lumabas ng kotse si Patrick at lumipat sa kabilang side. Pinagbuksan niya ako ng pinto at inalalayang lumabas ng kotse.
“Ang ganda talaga ng girlfriend ko,” pagpuri niya sa akin at inakbayan ako.
Wala talagang araw na hindi niya ako pinupuri. Kada magdadaan ang araw palagi niya na lang akong pinupuri kaya pakiramdam ko ako tuloy ang pinakamagandang babae sa mundo.
