Nang makabalik na sa mansyon si Gaurav ay ang kaagad na pumukaw sa atensyon n'ya ay ang kakaiba at tahimik na paligid. Bahagya siyang nanibago dahil noon pa man ay sadyang tahimik na ang pamamahay nila ngunit mas kakaiba ang katahimikang namamayani sa mga sandaling ito sa loob ng malaking tahanan nila na iyon. Ang pakiramdam no'n sa kaibuturan n'ya ay isang kahungkagan na hindi maipagkakaila man lamang. Nilingon n'ya ang orasan pambisig n'ya at nakita niyang halos tanghali na ngunit ang inaasahan niyang maraming mga tauhan nila na madaratnan n'ya sa pamamahay nila ay kabaliktaran ng lahat ng iyon.
Aakyat na sana s'ya sa taas upang tignan ang mga ito sa guest room nang saktong tumunog naman ang telepono nila sa sala at mabilis n'ya iyong nilapitan. Naiiling s'ya dahil bukod sa mga bantay n
