Kanina pa nakatitig lang si Gaurav sa harapan ng kabaong ng ama n'ya at ang mukha nitong tila payapa at bahagyang nakangiti pa nga kung titignan n'ya ang tila nagsasabi sa kan'ya na ngayon alam n'ya na ang lahat. Hindi n'ya na patatagalin pa ang lamay ng daddy n'ya at dalawang araw lang ay balak n'ya na rin itong ipalibing upang maasikaso n'ya na ang mga bagay bagay na kailangan ng atensyon n'ya. Hindi s'ya dapat magsayang ng oras at batid naman n'ya na maski nasaan man naroroon ang dad n'ya ay ganoon din ang gusto nitong gawin n'ya.
Sa ngayon ay walang sino man sa mga kagrupo nila ang nangangahas na kausapin s'ya tungkol sa magiging arrangements ng grupo nila lalong lalo na iyong mga nasa ibang lugar ng bansa nila dahil matagal tagal na rin simula nang huling mabisita ni Gaurav iyon kasa
