Hindi mapakali si Gaurav nang gabing iyon sa hindi n'ya malamang na kadahilanan. Alam niyang ngayon nga ang ika-animnapung kaarawan ng ama n'ya at alam niyang ngayon din ang gabing sasabihin na ng ama n'ya sa buong miyembro ng bts ang buong pangangalaga n'ya sa samahan nila. Hindi n'ya alam kung tama 'ba ang desisyon niyang umalis muna sila nang wala man lang paalam dito. Alam naman niyang kokontra lang kasi ito kung hindi man s'ya nito sermunan sa gusto n'yang mangyari kung kaya't mas madalas ang pagdedesisiyon n'ya nang hindi na ito kinukonsidera.
Ito lang ang unang kaarawan na hindi s'ya nakasama sa pagdiriwang ng ama n'ya kung kaya't hindi man n'ya nais ay nakaramdam pa rin s'ya nang kaunting konsensya na hinayaan n'ya itong mag-isa sa importanteng araw ng buhay nito. Naisipan n'yang
