Pawis na pawis si Gaurav nang marating n'ya ang lugar kung saan sila huling nagtagpo ni Astrid. Sa lugar kung saan ang warehouse ng mga TLP na pinamumunuan ni Mr. Bantas na minsan na rin n'yang napuntahan noong naghatid sila rito ng isang truck ng mga gambled firearms. Bagaman at hinihingal s'ya sa bilis ng oras na narating n'ya ang lugar na iyon ay hindi s'ya naawat upang diretsyo niyang tumbukin ang malaking gate ng mga ito at hindi n'ya na inisip pa kung makabulabog s'ya ng mga tauhan nito gayon na rin ang kaisipan na nag-iisa lang siyang sumugod doon. Ang tanging laman ng isipan n'ya ay ang mailigtas n'ya mula sa kamay ng baliw at walanghiyang si Robertson Bantas ang babaeng ngayon ay natanggap n'ya ng laman at minamahal ng puso n'ya gaano man ang gawin n'yang pagtanggi sa bagay na iyo
