Hindi namamalayan ni Astrid na kanina pa nakatingin sa kan'ya ang kasama n'ya at tila nahalata na nito ang kawalan n'ya ng gana at pagkatulala n'ya sa mga oras na iyon. Isang katok sa ibabaw ng lamesa n'ya ang nakapagpabalik ng wisyo n'ya mula sa kasalukuyan at awtomatikong umangat ang paningin n'ya mula sa kaharap.
"Ano 'ba'ng iniisip mo ha? Kanina ko pa nahahalata na mula nang kunin mo mula sa investigation team ang kopya ng CCTV ng transaksyon ng mga black syndicate parang may gumugulo na sa isipan mo..ano 'ba iyon?" umupo ito sa harapan n'ya at tila hinihintay kung handa 'ba siyang magkuwento rito ng kung ano.
Tinitigan n'ya ang kaharap at masasabi niyang matagal na rin silang magkakilala at may tiwala naman s'ya rito. Isa ito sa mga masasabi niyang kaibigan n'ya sa NBI at nasa inv
