Pabalik na si Phoenix nang makatanggap s'ya ng mensahe mula kay Gaurav. Napakamot na lang s'ya ng ulo dahil kung kailan naman na pabalik na s'ya ay saka naman ito nagtext para magpasundo. Napaisip naman s'ya kung bakit ito nagpapasundo gayong may dala naman itong service kanina nang umalis ito. May naiisip na s'yang dahilan ngunit huwag naman sana dahil sa kan'ya ang gamit gamit nitong motor.
S'ya at si Gaurav bukod kay Jed lang ang mga lihim na nakakaalam sa secret place na iyon ni Gaurav. Maging ang ama nito ay hindi alam iyon. Binilisan n'ya na ang pagpapatakbo ng kotse para mabilis na s'yang makarating doon nang mula sa 'di kalayuan ay natanaw n'ya ang isang pamilyar na babae na mabilis na humaharurot gamit ang isang pamilyar na motor. s**t! Kilalang kilala n'ya ang gamit nito at lalo
