Gerardo Z. TorresMagpakailanman
Di ka naaalala nitong puso kong nasaktan
Pag umaaraw na lang at lalo kung umuulan.
Di na ako naghihintay, di na kita naiisip.
Naroon ka na lang sa aking panaginip.
—Moy Ortiz at Edith M. Gallardo
Kagabi, sa wakas, nagkaroon na ako ng lakas ng loob na basahin isa isa ang mga liham ni Hector sa akin. Nais ko sanang isulat ang kuwento namin at tuldukan na ang nakaraan. Hindi ko ikakailang may kirot pa rin akong nadama sa aking puso habang binabasa ko ang mga sulat niyang naglalaman ng kanyang mga pangakong mamahalin ako magpakailanman at sasamahan hanggang sa dulo ng aming buhay. Alam ko, hindi na tama itong kadramahan ko dahil halos dalawang taon na rin ang nakalilipas mula nang talikuran niya ako at ipagpalit sa iba. Punong-puno ng pag-ibig ang mga sula
