Paul G. del RosarioKotong
(Kay Caloi)
Super titillating photos ni Leandro sa ating poster!” pagyayabang ng Chika-Chika: The Sexiest Showbiz Magasin laban sa ibang magasin na nakalatag sa isang playwud sa tabi ng daan. Sa una, kunwari’y sa ibang magasin ako interesado, sa Free Press, sa Philippine Graphic, sa Filmag. Luminga-linga muna ako sa paligid para tiyaking walang nakakapansin sa akin. Ang lahat naman ay nagmamadali, oras ng uwian at mahirap sumakay. Abala naman ang matandang tindera sa pagsubaybay sa kanyang paboritong seryeng nobela sa Liwayway.
Patago kong inabot ang Chika-Chika at binuklat sa gitna, sa poster. At naroon nga siya, si Leandro Baldemor, ang bagong barako ng Seiko Films, buong yabang sa pagkakatayo kahit na isang puting bikini brief lamang ang tanging suot. Pakira
