Three days earlier. . .
"I KNEW IT! Kayo na pala ni Red!" Iyon ang bungad ni Natalie kay Lira nang lumabas ito sa banyo. Ngiting-ngiti pa ang kaibigan niya. Ngiting aso.
Si Red ang class president nila noon sa kolehiyo. Naroroon din ito sa surprise birthday party niya na in-organize ni Lira at Bradley sa tulong ng ninong at ninang niya. She warned Lira by then: na kapag paa-announce ito ay sasabihinin niya kay Red ang malupit nitong sikreto. Mukhang umubra naman. "May pa-I love you, love you, mwah-mwah-tsup-tsup ka pa!" dugtong pa ni Natalie.
Pulado ang mukha, itinago nito ang phone sa bulsa. "Bakit na'ndito ka pa? Akala ko ba, ngayon ang flight ninyo sa Hawaii ni Caleb?"
Napaismid siya. Iniba nito ang usapan. Lira didn't have to ask that. Alam naman nitong si Caleb ang pupunta roon.
