"This is so last year!" Hindi ko na naiwasan pang sigawan ang lahat ng taong kasama ko sa meeting. Kapansin-pansin na ang bawat isa sa designing team ng Bella Donna ay pinipigilan na halos ang kanilang paghinga. Natatakot na baka pati ang paghinga nila ay punain ko at maging sanhi ng aking iritasyon.
"Wala na ba talaga akong ibang aasahan? Ako lang ba talaga ang maglalabas ng bagong ideya? Kung ganoon pala anong silbi niyong sampu rito?" pasigaw ko na namang tanong. Yumuko ang siyam na katabi ko sa conference table habang ang designer na nagpi-present ngayon ay halos mapatiran na ng mga ugat sa kaniyang mata kakapigil sa luhang alam kong kanina pa nangingilid sa kaniyang mata.
Tinaas ko ang aking kamay at iwinagayway ito sa ere. Mas mabilis pa sa pagkilos ng ipo-ipo na nagsilabasan ang
