HINDI alam ni Bree kung may kinalaman ba si Mr. Castillo at Mr. Torres sa nangyari sa pamilya niya. Kung may kinalaman man ang mga ito, sisiguruhin niyang magbabayad ang mga ito pero kung sakaling wala ang mga itong kinalaman sa nangyari sa pamilya niya, bakit nakasali ang mga ito sa imbestigasyon ng pulisya.
Napabuntong hininga si Bree. Nang tinignan niya si Alexia sa tabi niya, wala na ito. Nagtaka siya. Hindi niya ito naramdaman na umalis at hindi man lang ito nagpaalam. Napailing na lang siya nang makita niyang naubos nito ang ladies drink na inorder niya para sa kaniya pero ito na ang uminom.
Tumingin si Bree sa paligid pero hindi niya nakita si Alexia. Or maybe nakita niya ito pero hindi niya lang ito namukhaan. Hindi niya kasi nakita ang mukha nito kanina kaya hindi niya alam kung
