Ang inakala niyang mailap na antok ay di naman nangyari dahil naging napakahimbing ng kanyang tulog ng gabing iyon, siguro dahil na din sa tahimik at presko ang hangin na nagmumula sa karagatan. Payapa ang paligid at nawala ang kaninang takot na umalipin sa kanya nang makita ang walang katapusang dagat.
Nang magising siya kinabukasan ay maliwanag na maliwanag na sa labas. Maririnig mo parin ang hampas ng mga alon sa labas ng bahay, hampas ng alon at ang huni ng mga ibon lang naman ang maririnig sa labas. Kumakalam na din ang kanyang sikmura sa masarap na amoy ng tila inihaw na isda sa labas ng kanyang silid.
Alam niyang di naman siya hahayaang magutom ng lalaki, kahit na di siya nagsalita ng kung anuman dito. Mukha namang mabait ang lalaki, kahit na marami itong tattoo sa katawan. Inaa
