Di niya alam kung paano niya naitawid ang pagluluto sa sobrang lutang niya. Di niya kasi alam kung paano papayapain ang kanyang emosyon lalo na at nasa paligid lang ang lalaki, idagdag pa ang ginawa nito kaninang madaling araw na pagpasok ng kamay sa kanyang shorts.
Pag silip niya sa kabilang bahagi ng bahay kung saan nakaharap sa may kalye nila ay may mga rescuer na dumadaan. Malamang ay bumaha na naman sa dulong bahagi ng kanilang eskeneta. Ang sabi naman ng mga katabing bahay nila ay parusa na ng langit sa mga taga dulo ang baha, dahil pawang mga adik at mga hudlom daw ang mga nakatira sa looban. Di pa naman siya nakapunta doon sa dulo at wala naman siyang balak na pumunta.
"Baha parin doon sa dulo, mataas parin ang tubig at lagpas tao parin." Dinig niyang sabi ng isang tanod na duma
