Pagkatapos ng pag-amin na iyon ni Zeus ay agarang dinala niya ako sa aking bahay. Hanggang sa namalayan ko na lamang na magkaharap kami na nakaupo sa mesa pero walang nag-iimikan sa aming dalawa.
Pilit ko binabalikan sa aking isipan ang mga sinabi ni Zeus kanina. Na nang una pa lang ay alam na niya ang tungkol sa damdamin ko para kay Sir Apollo. Ngunit alam ko na may mali siya sa bagay na iyon. Dahil ang tinutukoy niyang damdamin ko para kay Sir Apollo ay gawa lang ng damdamin ko kay Apollo sa aking panaginip.
Ibig sabihin, hindi ito totoo.
At gawa gawa lang ng aking imahinasyon.
Dahil doon ay napasabunot ako sa aking buhok at inisip ang dapat gawin. Masyado ako naging obvious mula pa lang nang simula. Ginawa tuloy ni Zeus ito dahil sa kanyang maling akala. Ibig sabihin sa simula pa
