NAG-angat ng tingin si Aria nang marinig niya ang boses ng mga kaibigan niya na si Kyla at si Anne. Nakita naman niya ang mga ito sa hamba ng pinto ng kwarto nilang dalawa ni Angelo.
"Aria," tawag naman ni Kyla sa pangalan niya. Humakbang naman ang dalawa palapit sa kama na kinaroroonan niya.
"Anong ginagawa niyo dito?" tanong naman niya ng tuluyan ang mga ito na nakalapit. Mababakas din sa boses niya ang pagtataka. Hindi kasi niya inaasahan na magiging bisita niya ang mga ito sa bahay nila. Wala din kasing abiso si Kyla at Anne na pupunta ang mga ito sa bahay nila.
Bago naman sumagot ang dalawa ay umupo naman si Anne sa gilid ng kama. Si Kyla naman ang nanatiling nakatayo sa harap niya.
"We heard what happen to you," wika naman ni Anne sa kanya, mababakas sa boses nito ang pag-alal
